رفض الشاعر الغنائي أيمن بهجت قمر الاستجابة للمبادرة التي أطلقها الرئيس عبدالفتاح السيسي، والتي استجاب لها البعض وكان مضمونها «صبح على مصر ولو بجنيه».
بهجت قمر أعلن تمرده، وكتب على حسابه الشخصي: « انا مش هشارك لا بتبرع يروح منه نسبة لشركات الإتصالات والصناديق اللي بيشرف عليها رجال أعمال ولا حتى هشارك بعمل فني تاني للبلد مادام البلد دي مابتحميش حقوقي وحقوق ولادي ولا بتحترمني .. وشكرا».
وبعد الانتقادات التي تعرض لها وخاصة أنه مؤلف أغنية «بشرة خير» قال: « عادي انك تحب الرئيس او انك تكون بتأيده وانك تختلف معاه.. انا ربنا خالقلي عقل ومش هقبل اني اكون من نوعية ناس اتعودوا يلاقوا الريس يقول حاجه هوب تلاقي كله بيرددها وراه وبحماس منقطع النظير..لكل فعل رد فعل والغريبه ان فيه قطيع قصدي قطاع من الناس ابتدى شويه منهم يشككوا في وطنيتي وشويه تانيين زايطين من مدعي الثوريه المراهقين او من الاخوان ان مؤلف بشرة خير يئس ومحبط ! … قمة الجهل والسطحيه بصراحه وكإننا لازم نفضل نهلل لجانب واحد طول الوقت ولازم نمدح او ننتقد طول الوقت .. عموما انا هفضل اقول رأيي وقت ما احب و ولا حد هيزايد عليا ولا هيعلمني اقول ايه وما اقولش ايه».
(3).jpg)
.jpg)
.png)
.png)
.png)
.png)
.png)