مي عز الدين تشنّ هجوماً عنيفاً على “ام بي سي”

هاجمت الفنانة مي عز الدين على حسابها الرسمي على “فيسبوك” مجموعة “ام بي سي”، مطالبة إدارة المجموعة بإعادة المسلسل المشاركة ببطولته “وعد”، يذاع على قناة “ام بي سي 2 مصر”، وطالبت من جمهورها نشر تردد القناة لأنها غير معروفة وعرضه آيضا على قناة “ام بي سي مصر”.

وأضافت مي عز الدين: “أنا قضيت اليومين اللي فاتو بحاول أطالب إدارة قنوات ام بي سي مصر بزيادة إعادة المسلسل وعرضه على قناة ام بي سي مصر كمان لأنه بيتعرض على ام بي سي مصر 2 فقط ودي ناس كتير مكانتش تعرفها ولا منزلاها”.

وتابعت “أن المسلسل الوحيد اللي من إنتاج شركة تابعة ليهم وبالتالي كان من المنتظر الاهتمام بعرضه على قنواتهم الإثنين ومع ذلك مش راضيين يخلوه بيتعرض على القناتين بتوع ام بي سي مصر وسايبينه على ام بي سي مصر 2 بس″.

وواصلت: “في الآخر الرسالة الوحيدة اللي وصلتني إن ده مقصود علشان دي الفرصة إن القناة تتعرف، يعني أنا كده مطلوب مني أقوم قناة لوحدي تمام وأنا بقول لام بي سي قبلت المسؤولية وبإذن الله ربنا يكرم والقناة والمسلسل يتشافو والحمد لله فيه علامات باينة من كم الإعلانات اللي جه من بعد أول حلقة للمسلسل”.

كما أوضحت “أنا هعتبره امتحان ليا يعرفني قدري عند الناس وهل فعلا بيحبو مسلسلاتي أولا ونسبة الجماهيرية اللي وصلتها أيه مع أني مهما كان ليا جمهور أكيد كنت أتمنى أني أتشاف من الناس اللي مش من جمهوري لأن ساعات بتكون كمشاهد ملكش في ممثل، لكن لو قابلت حلقة لمسلسله بالصدفه وعجبتك بتقرر تتابعه وده في الاخر بيبقى خلاني كسبت مشاهد جديد بقى بيحب يتفرج على أعمالي وده طبعا مش هيحصل السنة دي لأن مفيش حد بيبقى معدي وبيشوف القناه دي بالصدفة الناس لسه اصلا بتتعرف على طريقها من خلالنا وبينزلوها”.