حلا شيحة: لم أتحجب بعد لقاء شيوخ

كشفت الفنانة حلا شيحة كواليس جديدة عن فترة ارتدائها الحجاب والنقاب، وابتعادها عن التمثيل لمدة 12 سنة.

وقالت حلا شيحة خلال لقائها مع الإعلامية منى عبد الوهاب في برنامج "ع المسرح" المذاع عبر قناة الحياة: "أنا روحت للحجاب وبعدت واتجوزت بعد ما حسيت بحاجة روحانية جدا، ولا قعدت مع حد ولا شيوخ قالوا اتحجبي، روحت علشان حسيت بحاجة ملأت روحي، وقلت يا رب عايزة أجيلك بكل إحساسي وروحي".

وأضافت: "بالنسبة لأهلي القصة كلها كانت غير مفهومة، وياريت الناس تصدق إني شوفت رؤى كثيرة في المرحلة دي قبل الحجاب والنقاب، وموضوع النقاب كان في أول عمرة أعملها وأنا عمري 23 سنة".

وتابعت: "حبيت النقاب جدا وعملته تطوعا وأنا مؤمنة إنه مش فرض، لكن حاجة تخليكي تحسي إنك مع ربنا لوحدك، وأرجو الجمهور والنقاد يحترموا ويفهموا إحساسي، وإن الستات غير الرجالة ومتقلبين في مشاعرهم".

وردا على سؤال هل وصلت لمرحلة القيام بالدعوة، وما كواليس دخولها مجال الـ"لايف كوتشنج"، قالت حلا شيحة: "عمري ما كنت داعية وعمري ما ختمت القرآن، ولما دخلت اللايف كوتشنج لقيت نفسي على الهوا في بث مباشر، وبعض الناس ألهمتها قصة فنانة قدرت تلبس الحجاب، مع إني مش شايفة تناقض بينهم".

وأكملت: "في فترة اللايف كوتشنج كنت في كندا في مرحلة صعبة جدا ومفترق طرق، وبعد الجواز والطلاق".