هند عبد الحليم: شلت الحسنة عشان زهقت.. كانت بتاخد العين

كشفت الفنانة هند عبد الحليم عن سبب خضوعها لعملية تجميل لإزالة الحسنة الكبيرة التي اشتهرت بها منذ بدايتها في العمل الفني.

قالت هند عبد الحليم: "شلت الحسنة عشان حسيت إن أنا زهقت، بقيت ابص للمراية لقيتها واخدة كتير أوي من النظر، بتاخد العين، فحبيت يبقى في أي تغيير، زهقت تغيير"، حسب لقائها في برنامج "عرب وود".

وأضافت: هناك أشخاص عجبهم الموضوع وناس لأ.

وكانت هند عبد الحيم ردت على منتقدي إزالتها لحسنتها منذ فترة عبر منشور عبر خاصية Stories بتطبيق Instagram، وكتبت: "هو إنتوا مش عارفين إن البني آدم ملامحة بتتغير مع مرور السنين وهو نفسه أصلا بيتغير مش بيروح يعمل عمليات في شخصيته ولا أحاسيسه بس الحاجة الوحيدة اللي مش بتتغير إنه هيفضل بني آدم بيحس وبيتوجع فا حطوا نفسكوا مكان الناس أو بلاش … بس مش لازم تخلوني عملت وغيرت وشيلت الحسنة اللي كانت فيها موهبتي أو الحسنة الوحيدة اللي كانت فيا زي ما ناس كتير قالت، برافو يا جماعة استمروا خليكوا أشرار أكتر وأكتر اتبسطوا".