ردت الفنانة يسرا اللوزي على أحد متابعينها بعد تنمره على ابنتها التي تعاني من ضعف السمع، حيث قال لها على صورة نشترها عبر حسابها الخاص عبر تطبيق تبادل الصور (إنستغرام): "ماشي يا أم الطرشة"
واختارت يسرا أن تردّ فقالت: "شكرا على ذوق حضرتك.. أنا قررت استغل كلامك اللطيف عشان أقدم شوية توعية بخصوص هذا المصطلح.. أولا المصطلح الصحيح و المقبول هو "الصم وضعاف السمع"، و ليس "الطرش" أو "البكم"، وفق (الجميلة).
وأضافت:" ثانيا، أحب أعبر عن فخري بكوني والدة طفلة "صماء" لأنها علمتني حاجات كتيرة جدا و بقيت بني أدمة و أم أحسن بسببها، وأنا متأكدة إنها هتطلع إنسانة مثقفة ومتفوقة ومش هتبقى محتاجة مساعدة من حد عشان تحقق أحلامها".
وتابعت :" ثالثا، البنت "الصماء" دي هي اللي ألهمتني إني اتكلم في البرامج و أطالب بالكشف المبكر للمواليد اللي على أساسه كل المصريين هيتعملهم کشف سمع عند الولادة، و ده المفروض يساهم بشكل إيجابي في حياة عائلات كتير و هيسمح للأطفال الصم وضعاف السمع" إنهم يلاقوا الدعم منذ الصغر عشان يقدروا يتعلموا كويس وما يبقوش "عبء" على حد، بل بالعكس هيكونوا قادرين يندمجوا في المجتمع" المريض للأسف".
واختتمت حديثها، قائلة :"بالتالي الطفلة "الصماء" دي ليها إنجازات أثرت على شعب كامل رغم إن عمرها 6 سنين یا ريت توضحلي بقی: حضرتك أنجزت إيه في حياتك؟ شكرا".
(3).jpg)
.jpg)
.png)
.png)
.png)
.png)
.png)