أورتيجا يُعلن خبراً حزيناً لجمهوره

أعلن مطرب المهرجانات أورتيجا، انفصاله فنياً عن صديقه أوكا، زوج الفنانة مي الكساب.
ونفى أورتيجا الأخبار المتداولة حول وجود خلافات بينه وبين أوكا، وقال بفيديو نشره عبر صفحته على "انستجرام": "كل الناس اللي بتبعت وتسأل إحنا ليه ما بنغنيش مع بعض، ليه متخانقين، ليه ضاربين بعض، طبعا مفيش أي حاجة من الكلام دا خالص، أنا هوضحلكم الصورة".
وأضاف: "أوكا أخويا وعشرة حياتي وصديق كفاح، وشفنا كل حاجة وحشة وحلوة مع بعضنا، مش هنيجي على أخر الزمن نتخانق ونمسك في بعضنا زي ما الناس بتقول".
واستطرد: "كل القصة أن أوكا بقى لوحده، أورتيجا بقى لوحده، أنا بتمنى له التوفيق في حياته، وبتمنى لنفسي التوفيق وربنا يرزقنا إحنا الاتنين، ويكرمنا وياريت الخبر ما يزعلش حد، وربنا يكرمنا ونكسر الدنيا".
الجدير بالذكر أن آخر أغنية جمعت بين أوكا وأورتيجا هي "إمتى"، وشاركهما الغناء المطرب الشعبي أحمد شيبة، وهي من كلمات وتوزيع أوكا، وألحان أسامة طارق، وإخراج ميا المهدي.