أول ظهور لنور هشام سليم المتحول جنسيًّا

ظهر الشاب نور نجل الممثل المصري هشام سليم لأول مرة علناً كذكر في لقاء "أون لاين" مع "جعفر توك".
وقال "نور" خلال حديثه مع الإعلامي جعفر عبدالكريم: "مكنتش فاهم حاجة ودورت على الإنترنت أنا عايش في مصر ومفيش الكلام ده هنا، لحد دلوقتي معرفش غير شخصين تلاتة بس اللي زيي، والصراحة كان في أوقات كتيرة كنت بفكر في الانتحار مكنتش حاسس إني طبيعي وحاسس إني مش عارف أعيش حياتي".
وأضاف: "مكنتش شايف مستقبل لنفسي.. لا جواز ولا شغل ولا أي حاجة.. بس اتعلمت أحب نفسي وأعمل اللي عليا، ومكنتش عايز أقول لوالدي ووالدتي أي حاجة غير لما أكون أنا عارف أنا عايز إيه".
وكان "نور"، قد تصدر قوائم الموضوعات الأكثر رواجًا عبر السوشيال ميديا، خاصة بعد تصريحات والده بشأن تحوله من "نورا" إلى "نور".
وكشف هشان سليم عن تفاصيل تحول ابنته نورا لتصبح نور، لأول مرة خلال استضافته ببرنامج "شيخ الحارة والجريئة" مع إيناس الدغيدي، ولاقى تصريحه دعم كبير من الفنانين الجمهور الذين أشادوا بتفهمه للأزمة.