دينا الشربيني تكشف عن الجملة التي يرددها عمرو دياب كثيراً.. وبعض أسراره

كشفت الفنانة المصرية دينا الشربيني بعض أسرار عمرو دياب في لقاء عبر برنامج "الحكاية" على فضائية MBC مصر.
وقالت دينا: "هو فى أحلى من كده؟، أنا أصلا لما بتكلم عنه شوية مش بعرف أتكلم أوى عشان مش بعرف أديله حجمه، وهو رقم واحد فى الشرق الأوسط، وناجح بقاله 30 سنة".

وكشفت دينا عن الجملة التي يرددها عمرو كثيرا، وقالت: "هو دائما بيقول أنا جاى من بورسعيد عندى مشروع، عمرو دياب ممكن يفضل قاعد طول الوقت شغال، ولما يحط إيده فى حاجة بتطلع رائعة".
وأضافت دينا: "عمرو دياب عشان بيحب شغله فبيخاف على نفسه وبياخد باله من إجراءات الوقاية، ودايما بيساعدني فى شغلى واختياراتي، وبقاله أكتر من شهر مش بينزل من البيت خالص، وبشكره جدا أنه مستحملني في الظروف دي، وأنا هخاف عليه ينزل يجى عندي التصوير، وهو استغل الفترة دي وبيلعب رياضة ومحافظ على جسمه".
وردًا على سؤال عمرو أديب لها "هو الهضبة بيجيلك البلاتوه ولا بيرشك بالمطهرات لما ترجعي من التصوير؟"،  قالت دينا: "عمرو مبيجيش البلاتوه ، بس متابعني ومتحملني دايما".
يذكر أن دينا الشربيني تشارك في موسم رمضان بمسلسل "لعبة النسيان" تأليف تامر حبيب واخراج احمد شفيق ويشارك في بطولته أحمد داوود ، انجي المقدم ، ورجاء الجداوي.