وجه الإعلامي المصري شريف مدكور اعتذارا لجمهوره بعد أن تسبب في إصابتهم بقلق، وذلك نظرا لغيابه عن مواقع التواصل الاجتماعي خلال الفترة الماضية، خاصة مرضى السرطان منهم،والذين وصفهم بأنهم يستمدون القوة من الفيديوهات التي ينشرها للتوعية بأهمية محاربة المرض.
شريف كشف سبب غيابه، من خلال مقط فيديو نشره، قال فيه: "أي حد بياخد كيماوي مناعته بتقل، دي حاجة معروفة، أنا كابرت شوية وبقيت أنزل الشغل واعافر واشتغل زي ما أنا، وأنزل وأخرج وأسوق العربية وأعمل كل حاجة".
وكشف عن إصابته بفيرس في الدم، بقوله: "في بعض الإرشادات اللي كانت متقالالي وأنا معملتهاش، إن أنا الناس اللي كانت بتسلم عليا كنت بسلم عليهم وببوسهم، فأنا جالي فيروس بقالي خمس أسابيع الفيروس ده في الدم وموجود عند كل الناس بنسب قليلة، أنا مش عارف اسمه إيه هو موجود عند كل الناس بس بنسب قليلة من 100 لـ 150، أنا طلع عندي 900".
وأضاف: "وده أدى إن درجة حرارتي بقالي خمس أسابيع واصلة لـ 39 ونص، هو مالوش علاج غير إن الجسم يحاول يتخلص منه، وده اللي بيحصل لكن أنا عندي أنيميا بسبب الكيماوي والمناعة قلت عندي وده طبيعي جدا"، لافتا إلى أنه توجه إلى إحدى المستشيفات لنقل كيسين دم، حتى يتمكن جسده من القضاء على الفيروس.
وطمأن متابعيه من مرضى السرطان، قائلا: "مش عايز أي حد من مرضى السرطان يقلق الموضوع مالوش دعوة بالكيماوي اوي هو له دعوة شوية أنا اللي أهملت نزلت وكنت بشتغل عادي وده مكانش ينفع، كان مفروض أريح شوية بس مقدرتش عافرت، الحمد لله اتحسنت شوية مش هقدر أقول اتحسنت أوي".
وتابع أنارتفاع درجة حرارته لمدة خمسة أسابيع متواصلة، تسبب في أجهده واضطره للاعتذار عن أيام عمل كثيرة، لأنه لا يتعاطى أي نوع من الدواء ليساعده في هذه المحنة سوى خافض للحرارة من نوع معين لا يسبب له حساسية.
الإعلامي المصري طالب كل من يخضع للعلاج الكيماوي بأن يتخذ احتياطات السلامة ويتوقف عن مصافحة الناس باليد أو تقبيلهم، لأنه لم يستمع لهذه الإرشادات وهذا ما تسبب له بالإصابة.
(3).jpg)
.jpg)
.png)
.png)
.png)
.png)
.png)