"ربنا يسامحني.. ماكنتش أعرف حاجة ظلمني وظلم نفسه ربنا يهديه"، كلمات بدأت بها "هدير.م" 24 عاما ربة منزل، حديثها خلال إقامتها دعوى طلاق رقم 88302 لسنة 2018، ضد زوجها "محمود.ع" (29 عامًا) الذي يعمل سائقًا على سيارة نقل جماعي.
تزوجت "هدير" منذ نحو 3 أعوام مضت أنجبت خلالها طفلتها الوحيدة "جنة"، لتكتشف صدفة معاشرة زوجها لها بما يخالف شرع الله: "ربنا يسامحني على الجهل.. مكنتش أعرف اتجوزت صغيرة ومحدش قالي حاجة بعد أيام من الجواز بدأ جوزي يعمل حاجات تانية غير الطبيعية كنت بتعب قوي في الأول لكن كنت بستحمل عشان ميبصش برا، مكنتش أعرف حاجة خالص لحد ما خلفت بنتي وبدأت أتعب قوي، رحت للدكتورة لقيت التهابات جامدة وقالتلي كدا غلط جامد وبيجيب أمراض غير إنه حرام".
وتابعت: "اتصدمت مكنتش فاهمة إزاي رحت حكيتله قالي ده كلام فاضي بس سألت الشيخ واتأكدت إنه حرام، ولما اتكلمت معاه مرضيش يبطل وبقى يغصبني ويضربني.. بيقولي مزاجي كدا ولازم تطيعيني وإلا الملايكة تلعنك.. لما رجعت للشيخ قالي أقوله يتقي الله، لكن مفيش فايدة بقالي أكتر من سنة بحاول أخليه يبطل لحد لما كرهته ومش عايزاه".
وأضافت: "حاولت معاه كتير يبطل، ولما اشتكيته لأهله ضربني علقة موت فتحلي راسي 6 غرز مبقتش حاسة بالأمان معاه.. عايزة أطلق وأربي بنتي".
(3).jpg)
.jpg)
.png)
.png)
.png)
.png)
.png)